Unser Vereinslied
Refrain:
Schütterie is fein, daor freit sick graut un klein,
dann drüft de Jüngs mett de Wichter goahn,
daor künnt se nicks dran dohn.
1. Strophe
Wann’t Ostern is un Eier giff
un dann den Dag dor naoh,
dann wät bi us de Plätz verkofft,
dat is von Olls sa Moh.
Un aobends dann um Uhr off acht,
dann wett dat Wicht bestellt,
ne Pull vull Söten in de Task,
wat fraog wi Käls nao Geld.
Refrain: Schütterie is fein…
2. Strophe
Acht Dag vörher dann gifft’n Fatt Beer
dann breng wi datt Tog nao de Roh,
dann laupt de Kinne all achterher,
dat is van Olls sao Moh.
Nu kümp dat Tellt un wett upstellt,
de Wichter makt et fien,
nen Küorningsdanz in blaude Arms,
watt heppt de Käls nen Splien.
Refrain: Schütterie is fein…
3. Strophe
In witte Bucks, un’n Hot upn Kopp
met’n schwatten Rock,
de Herrn Offzeeresn in Paradekluft,
hollt se wat hauch denn Kopp.
Dann kümp de Trumm und geiht Bumbum,
bliff kien ollt Wief in Hus,
dreimaol dör’e Brüggenstadt, watt de Behnkes goaht,
Tambourmajor vörup, watt nen’n Staot.
Refrain: Schütterie is fein…